தீ விபத்தில் வீடும் கடையும் எரிந்து நாசம்

-எஸ்.என்.நிபோஜன்

கிளிநொச்சி  டிப்போசந்தி  ஜீவப்பரியாரியார்  வீதியில் இன்று ஞாயிற்றுக்கிழமை அதிகாலை  ஏற்பட்ட திடீர்   தீ  விபத்தில்  வீடொன்றும்  கடையொன்றும்  எரிந்து  முற்றாக  சேதமடைந்துள்ளன.

தீ பரவிய  வேளை,   வீட்டில்  யாரும் இல்லை எனவும்  வீட்டிலுள்ளோர்  உயிர்த்த  ஞாயிறு  வழிபாட்டுக்காக  கோவிலுக்கு  சென்றிருந்தனர்  எனவும்   தெரியவந்துள்ளது.

கடை  மற்றும்  வீடு என்பன  ஒன்றாக  இருந்ததனால்  இத் தீ விபத்தில் இரண்டும் முற்றாக  சேதமடைந்துள்ளதுடன்,  தமது  வீடு மற்றும்  கடையில்  தீப்பற்றுவதற்கான  எந்த  சந்தர்ப்பமும்  இல்லை  எனவும்  இது  யாரோ  திட்டமிட்டே  தீ  வைத்திருக்கின்றனர்   எனவும்  வீட்டு  உரிமையாளர்   தெரிவித்தார்.

குறித்த  சம்பவம்  தொடர்பான  மேலதிக  விசாரணைகளை  கிளிநொச்சி  போலிஸார் மேற்கொண்டு  வருகின்றனர்.