பளை பிரதேச செயலர் பிரிவில் உதவித்திட்டங்கள் அதிகரிக்கப்பட வேண்டும்:பிரதேச செயலாளர்

(ஹேமந்த்)

கிளிநொச்சி மாவட்டத்தின் பச்சிலைப்பள்ளி - பளை பிரதேச செயலர் பிரிவில் மீளக் குடியமர்ந்துள்ள மக்களுக்கான உதவித் திட்டங்கள் அதிகரிக்கப்பட வேண்டும் என பளைப் பிரதேச செயலர் முகுந்தன் தெரிவித்தார்.

இது தொடர்பாக மேலும் கருத்துத் தெரிவித்த அவர்,

போரினால் அழிவடைந்த பகுதிகளில் பளை பிரதேசம் முக்கியமானது. சேதமடைந்தவற்றை மீளமைக்கும் பணிகள் நடைபெற்று வருகின்றன. ஆனாலும் இந்தப் பணிகள் துரிதமாக்கப்படுவதற்கு முயற்சிக்கப்படுகிறது.

பளையில் ஒரோயொரு தொண்டர் அமைப்பே பணியில் ஈடுபடுகின்றது. பாதிக்கப்பட்ட பிரதேசத்தின் மீள் கட்டுமானப் பணிகளுக்காக மக்கள் காத்திருக்கின்றனர். அரசாங்கத்தினால் வழங்கப்படும் உதவிகளை முடிந்த வரையில் விரைவுபடுத்திக் கொடுக்கும் நடவடிக்கைகளை மேற்கொண்டுள்ளது.

பருவமழைக்கு முன்னர் தற்காலிக வீடுகளை அமைக்கும் பணிகளை மேற்கொள்ளத் தாம் முயற்சிப்பதாகவும் அவர் கூறினார்.