கடந்த வருடத்தில், தமிழில் அதிக திரைப்படங்களில் நடித்த நடிகை வரலட்சுமி சரத்குமார், தமிழில் மட்டுமல்லாது மலையாளம் என இரண்டு மொழிகளிலும் ஒரு கை பார்த்துவிட்டு, தற்போது தெலுங்குத் திரையுலகில் தனது முதலடியை எடுத்து வைத்துள்ளார்.

சந்தீப் கிஷன் கதாநாயகனாக நடிக்கும் “தெனாலி ராமகிருஷ்ணா பீ.ஏ.பீ.எல்” என்கிற இந்தத் திரைப்படத்தில், இரண்டு கதாநாயகிகளில் ஒருவராக வரலட்சுமி நடிக்கிறார். இன்னொரு கதாநாயகியாக, ஏற்கெனவே ஹன்சிகா ஒப்பந்தம் செய்யப்பட்டுள்ளார். இந்தத் திரைப்படத்தை, நாகேஷ்வர ரெட்டி என்பவர் இயக்க உள்ளார்.

ஏற்கெனவே வரலட்சுமி நடித்த தமிழ்த் திரைப்படங்கள் டப்பிங் செய்யப்பட்டு ​ தெலுங்கில்​ வெளியிடப்பட்ட நிலையில், வரலட்சுமிக்கான வரவேற்பு அதிகரிக்கப்பட்டுள்ளதாகவும் இந்த நிலையில், நேரடியாகவே தெலுங்கில் நடிப்பது அவருக்கு நிச்சயம் கை கொடுக்குமெனவும் தெரிவிக்கப்படுகிறது.