காரைதீவு பிரதேச சபையின் பட்ஜெட் வெற்றி

பாறுக் ஷிஹான், நூருல் ஹுதா உமர்

அம்பாறை, காரைதீவு பிரதேச சபையின் 2022ஆம் ஆண்டுக்கான வரவு – செலவுத் திட்டம் மேலதிக இரு வாக்குகளால் வெற்றி பெற்றுள்ளது.

இந்த பட்ஜெட், தவிசாளர் கி.ஜெயசிறிலினால்  நேற்று (13)  46ஆவது சபை அமர்வில் முன்வைக்கப்பட்டது.  

உறுப்பினர்களான எம்.எச்.எம்.இஸ்மாயில், ச.நேசராஜா, த.மோகனதாஸ், சி.ஜெயராணி, ச.சிசிகுமார் மற்றும் என்.எம்.றணீஸ் ஆகியோர் வரவு - செலவுத் திட்டத்துக்கு ஆதரவாக வாக்களித்தனர்.

உப தவிசாளர் ஏ.எம்.ஜாஹீர், ஏனைய உறுப்பினர்களான ஏ.ஆர்.எம்.பஸ்மீர், எம்.ஜலீல், கே.குமாரசிறி மற்றும் கே. ஜெயதாசன் ஆகியோர்  எதிராக  வாக்களித்தனர்.

இதனடிப்படையில்,  காரைதீவு பிரதேச சபை மீண்டும் முஸ்லிம் காங்கிரஸ் கட்சியின் இரு உறுப்பினர்கள் மற்றும் சுயேட்சை குழு உறுப்பினரின்  ஆதரவுடன் வரவு - செலவுத் திட்டத்தில் வெற்றி பெற்றுள்ளது.

இதன்போது, கருத்துத் தெரிவித்த தவிசாளர், காரைதீவு பிரதேச சபையின் பட்ஜெட் வெற்றியானது தமிழ் மற்றும் முஸ்லிம்களின் வெற்றி  என்றார்.

12 உறுப்பினர்களை கொண்ட இச்சபையில் 7 உறுப்பினர்கள் ஆதரவாகவும் 5 உறுப்பினர்கள் எதிராகவும் வரவு - செலவு திட்டத்துக்கு வாக்களித்துள்ளமை குறிப்பிடத்தக்கது.