கொரோனா பரவாமலிருக்க விசேட பிரார்த்தனை

வி.சுகிர்தகுமார்

நாட்டில் கொரோனாவால் பாதிக்கப்பட்ட மக்களின் எண்ணிக்கை இரண்டாயிரத்தை கடந்துள்ள  நிலையில், தொடர்ந்தும் இந்நோய் பரவாமலிருக்க இறைவனைப் பிரார்த்திக்கும் விசேட வழிபாடுகள்,  அக்கரைப்பற்று மெதடிஸ்த தேவாலயத்தில், இன்று (25) நடைபெற்றன.

தேவாலயத்தின் பங்குதந்தை அருட்திரு பி.தேவானந்தன் அடிகளார் தலைமையில் நடைபெற்ற இந்த வழிபாடுகளில் சுகாதார அறிவுறுத்தல் காரணமாக, குறிப்பிட்ட அடியார்கள் மாத்திரம் கலந்துகொண்டனர்.