சட்டவிரோதமாக மின்சாரம் பெற்ற இருவருக்கு பிணை

-எம்.எஸ்.எம்.ஹனீபா

அம்பாறை, சவளக்கடை பொலிஸ் பிரிவுக்குட்பட்ட நாவிதன்வெளிப் பிரதேசத்தில் சட்டவிரோதமாக மின்சாரம் பெற்ற குற்றச்சாட்டின் பேரில் கைதுசெய்யப்பட்ட இருவரை கல்முனை நீதவான் நீதிமன்ற பதில் நீதவானும் மாவட்ட பதில் நீதவானுமாகிய இ.ராமக்கமலன் இன்று  ஞாயிற்றுக்கிழமை தலா 50 ஆயிரம் ரூபாய் பெறுமதியான சரீரப் பிணையில் விடுவித்துள்ளார்.

மேலும், இவ்வழக்கு விசாரணை எதிர்வரும் 07ஆம் திகதிக்கு ஒத்திவைக்கப்பட்டுள்ளது.

இலங்கை மின்சார சபை தலைமை காரியாலய புலனாய்வு பிரிவினரும் சவளக்கடை பொலிஸாரும் இணைந்து நேற்று (04) சனிக்கிழமை மேற்கொண்ட திடீர் சோதனையின்போது சட்டவிரோதமாக தமது வீட்டுக்கு மின்சாரம் பெற்றுவந்த இவர்களை கைதுசெய்தனர்.