பிரதேச ஒருங்கிணைப்பு குழுக் கூட்டங்கள்

அம்பாறை, மாவட்ட முஸ்லிம் பிரதேசங்களுக்கான அபிவிருத்தி ஒருங்கிணைப்புக் குழுக் கூட்டங்கள், நாளை முதல் இடம்பெறவுள்ளன.

இதனடிப்படையில், பொத்துவில் பிரதேசத்துக்கான ஒருங்கிணைப்புக் குழுக் கூட்டம், பொத்துவில் பிரதேச செயலகத்தில் நாளை (09) காலை 9.30 மணி இடம்பெறவுள்ளது.
நாளை பிற்பகல் 2.30 மணிக்கு, நிந்தவூர் பிரதேச செயலகத்திலும், நாளை மறுநாள் (10) காலை 9.30 மணிக்கு, அக்கரைப்பற்று பிரதேச செயலகத்திலும், நாளைமறுநாள் பிற்பகல் 2.30 மணிக்கு அட்டாளைச்சேனை பிரதேச செயலகத்திலும், பிரதேச அபிவிருத்திக் குழுக் கூட்டங்கள் இடம்பெறவுள்ளன.

மாவட்ட அபிவிருத்தி ஒருங்கிணைப்புக் குழுவின் இணைத் தலைவர்களான சுகாதாரப் பிரதியமைச்சர் பைசால் காசிம், கிழக்கு மாகாண முன்னாள் அமைச்சர் எம்.எஸ். உதுமாலெப்பை ஆகியோரின் இணைத்தலைமையில், நாடாளுமன்ற உறுப்பினர் ஏ.எல்.எம்.நஸீர் உட்பட திணைக்களங்களின் தலைவர்கள்  கலந்துகொள்ளவுள்ளனர்.