பட்ஜெட் கூட்டத் தொடர் இன்று மீண்டும் ஆரம்பம்

புதுடில்லி :

இந்தாண்டுக்கான பட்ஜெட் கூட்டத் தொடரின் முதல் அமர்வு, ஜனவரி  29ஆம் திகதி ஆரம்பமானது.   இரண்டாம் அமர்வு, இன்று ஆரம்பமாகி, ஏப்ரல் 8 ஆம் திகதி வரை நடக்கவுள்ளது. தமிழகம், கேரளா, மேற்கு வங்கம், அசாம், புதுச்சேரி உள்ளிட்ட மாநில சட்டசபை தேர்தல் நடப்பதால், அந்த மாநிலங்களைச் சேர்ந்த எம்.பிக்கள் இதில் பங்கேற்க மாட்டார்கள் என, எதிர்பார்க்கப்படுகிறது. ஓய்வூதிய நிதி, மின்சாரம் சட்ட திருத்தம் உள்ளிட்ட மசோதாக்களை, இந்த அமர்வில் நிறைவேற்ற திட்டமிடப்பட்டுள்ளது.

இதற்கிடையே, கொரோனா பரவல் அதிகரிப்பு, சட்டசபை தேர்தல் போன்ற காரணங்களால், இரண்டாம் அமர்வு, முன்கூட்டியே முடிய வாய்ப்புள்ளதாகவும் கூறப்படுகிறது.