மாமாவுக்குப் பரிசு; இளைஞர் கைது

 டெல்லியின் கௌதம்புரி பகுதியில் வீட்டிற்கு வெளியே விளையாடிக் கொண்டிருந்த சிறுவன் ஒருவன் அண்மையில் காணாமற் போயுள்ளான்.

இதனையடுத்து குறித்த சிறுவனின் பெற்றோர் பொலிஸ் நிலையத்தில் இது குறித்து புகார் அளித்துள்ளனர்.

இதனையடுத்து பொலிஸார் மேற்கொண்ட விசாரணையில், ‘புகார் தாரரின் பக்கத்து வீட்டுக்காரரான நீரஜ் என்பவரும் அன்றைய தினம் இரவு அந்த இடத்தை விட்டுச் சென்றதாகவும், மறுநாள் காலை வரை திரும்பி வரவில்லை என்றும் தெரியவந்துள்ளது.

இந்நிலையில் அந்நபரைக் கண்டுபிடித்து விசாரித்ததில், அவர் குழந்தையைக் கடத்திச் சென்று அலிகாரில் உள்ள அவரது தாய் மாமா சுனித் பாபுவின் இல்லத்தில் தங்கவைத்திருந்தது தெரியவந்துள்ளது.

தனது மாமாவின் மனைவிக்கு நான்கு மகன்கள் பிறந்ததாகவும், ஆனால் அவர்களில் யாரும் உயிர் பிழைக்கவில்லை என்றும், அதனால்தான் சிறுவனை மாமாவிடம் ஒப்படைப்பதற்காக அழைத்துச் சென்றதாகவும் அவர் கூறியுள்ளார்.

இதையடுத்து குழந்தையை மீட்டபொலிஸார், அந்த நபரையும் அவரது மாமாவையும் கைது செய்து சிறையில் அடைத்துள்ளனர்.