எட்டு மாத இடைவெளியில் 2 குழந்தைகள்

முதல் குழந்தை பிறந்து எட்டு மாதங்களே ஆன நிலையில் அடுத்த குழந்தையைப் பெண்ணொருவர் பெற்றெடுத்த சம்பவம் பிரித்தானியாவில் ஆச்சரியத்தை  ஏற்படுத்தியுள்ளது.

பிரித்தானியாவைச் சேர்ந்த 27 வயதான லூஸி என்பவரே இவ்வாறு கடந்த 2020-ஆம் ஆண்டு செப்டம்பர் மாதம்  பெண் குழந்தை ஒன்றைப் பெற்றெடுத்துள்ளதோடு எட்டு மாத இடைவெளியில் இரண்டாவது குழந்தையையும் பெற்றெடுத்துள்ளார்.

அவரது முதல் குழந்தை பிறந்து 3 மாதங்களாக அவருக்கு மாதவிடாய் ஏற்படவில்லை எனவும், இது குறித்து மருத்துவரிடம் சென்று பரிசோதனை செய்து பார்த்த போதே  அவர் 2 ஆவது முறை கர்ப்பம் தரித்திருந்தமை தெரியவந்துள்ளதாகவும் தெரிவிக்கப்பட்டுள்ளது.

இதனையடுத்து அதிர்ச்சியில் மூழ்கிய லூஸி, வேறு வழியின்றி  இரண்டாவது குறை பிரசவத்தில் பெற்று எடுத்துள்ளதாகத் தெரிவிக்கப்பட்டுள்ளது.

இச்சம்பவமானது பலரையும் ஆச்சரியப்படுத்தியுள்ள நிலையில், குறித்த குழந்தைகளின் புகைப்படங்களும் இணையத்தில் வைரலாகி வருகின்றமை  குறிப்பிடத்தக்கது.