‘ஓரினச்சேர்க்கைத் திருமணம்‘ குறித்து புடின் சர்ச்சைக் கருத்து

மேற்கத்திய நாடுகளில் ஓரினச்சேர்க்கை திருமணங்களுக்கு அனுமதி வழங்கப்படுவது குறித்து ரஷ்ய ஜனாதிபதி விளாடிமிர் புடின் தெரிவித்த கருத்தானது சர்ச்சையை ஏற்படுத்தியுள்ளது.

அண்மையில் ரஷ்ய நாடாளுமன்றத்தில் உரையாற்றிய புடின்” மேற்கத்திய நாடுகள் குடும்ப அமைப்பு, கலாச்சார-வரலாற்று அடையாளத்தை அழிப்பதாகவும், குழந்தைகள் விவகாரத்தில் பல்வேறு வக்கிரங்கள் அரங்கேற்றப்படுவதாகவும் விமர்சித்தார்.

மேலும் குடும்பம் என்பது ஆணுக்கும் பெண்ணுக்கும் இடையிலான உறவு மட்டுமே என்றும் அவர் குறிப்பிட்டார்.

அதுபோல் பிரார்த்திக்கும் கடவுளுக்கு ஆண்பால், பெண்பால் பெயரின்றி பாலின-நடுநிலை பிரதிபெயர்களை அறிமுகப்படுத்த பரிசீலித்து வருவதாக பிரித்தானிய தேவாலயம் அறிவித்திருந்ததையும் புடின் கடுமையாக விமர்சனம் செய்துள்ளார்.

இந்நிலையில் இவர் தெரிவித்த கருத்துக்கள் உலகளவில் பெரும் சர்ச்சையை ஏற்படுத்தியுள்ளன.