சர்வதேச விமான நிலையத்தில் தீ பரவல்

இங்கிலாந்தின் பெட்போர்ட்ஷையர் மாகாணத்தின் முக்கிய நகரில் அமைந்துள்ள சர்வதேச விமான நிலையத்தில் தீ விபத்து ஏற்பட்டுள்ளது.

நேற்றிரவு குறித்த பகுதியில் கார் நிறுத்தப்பட்டிருந்த கட்டிடத்தின் 3-வது தளத்தில் திடீரென தீ விபத்து ஏற்பட்டுள்ளது. சிறிது நேரத்தில் கட்டிடம் முழுவதும் தீ பரவியுள்ளது.

தீயணைப்பு படையினர் 15-க்கும் மேற்பட்ட வாகனங்களில் குறித்த பகுதிக்கு விரைந்தனர். பொலிஸாரின் உதவியுடன் தீ பரவலை கட்டுப்பாட்டிற்குள் கொண்டு வந்தனர்.

இந்த விபத்தில் 1500-க்கும் மேற்பட்ட கார்கள் தீயில் கருகி முற்றிலும் சேதமடைந்துள்ளன.

குறித்த விபத்தில் உயிர் சேதம் ஏற்படவில்லை என தகவல் வெளியாகியுள்ளது.

இது தொடர்பான மேலதிக விசாரணைகளை அங்குள்ள பொலிஸார் மேற்கொண்டு வருகின்றனர்.