துப்பாக்கி சூட்டில் ஐவர் பலி: சிறுவன் கைது

அமெரிக்கா - சியாட்டிலின் தென்கிழக்கில், ஒரே குடும்பத்தை சேர்ந்த 3 சிறுவர்கள் உட்பட 5 பேர் சுட்டுகொலை செய்யப்பட்டுள்ளனர்.

 அத்துடன், சிறுமி ஒருவர் காயமடைந்த நிலையில் வைத்தியாசாலையில் அனுமதிக்கப்பட்டுள்ளார்.

இந்த துப்பாக்கி சூடு தொடர்பாக 15 வயது சிறுவன் ஒருவர் கைதுசெய்யப்பட்டுள்ளார்.

  உயிரிழந்தவர்கள் மற்றும் துப்பாக்கி சூடு நடத்தியவர் பற்றிய மேலதிக விவரங்களை அந்நாட்டு பொலிஸார் வெளியிடவில்லை.

மேலும் தாக்குதலுக்கான காரணம் குறித்தும் பொலிஸார் தெரிவிக்கவில்லை. 

கைதான சிறுவனுக்கும் உயிரிழந்தவர்களுக்கும் இடையில் என்ன தொடர்பு இருந்தது என்பது தெளிவாகத் தெரியவில்லை என்றும் அதுதொடர்பாக விசாரணை நடத்தப்பட்டு வருவதாகவும் பொலிஸார் தெரிவித்தனர்.