வீடுகளை இழந்த மக்களுக்குப் புதிய வீடுகள்

துருக்கி- சிரிய எல்லையில் கடந்த 6 ஆம் திகதி ஏற்பட்ட சக்திவாய்ந்த நிலநடுக்கமானது முழு உலகையே சோகத்தில் ஆழ்த்தியது.

இந்நிலநடுக்கத்தால் இருநாடுகளையும் சேர்ந்த  சுமார்  40,000 க்கும் மேற்பட்டோர் உயிரிழந்துள்ள நிலையில்,  பாதிப்படைந்த பகுதிகளில் மீட்புப் பணிகள் தொடர்ந்தும்  இடம்பெற்று வருகின்றன.

அதேசமயம் 1,60,000 க்கும் மேற்பட்ட கட்டிடங்கள் இடிந்து சேதமடைந்த நிலையில், சுமார் 15 லட்சம் மக்கள் மக்கள் வீடுகளை இழந்து தவிக்கின்றனர்.

இந்நிலையில்  துருக்கியில் வீடுகளை இழந்த மக்களுக்கு புதிதாக வீடுகளைக் கட்டும் பணிகள்  ஆரம்பிக்கப்பட்டுள்ளதாகத் தகவல் வெளியாகியுள்ளது.

 துருக்கியில் இன்னும் சில மாதங்களில் ஜனாதிபதித்  தேர்தல் நடைபெறவுள்ள நிலையில், ஓராண்டுக்குள் மக்களுக்கு வீடுகள் கட்டித் தரப்படும் என அந்நாட்டு ஜனாதிபதி தையிப் எர்டோகன் உறுதியளித்துள்ளமை குறிப்பிடத்தக்கது