கொழும்புறோயல் அணி சாம்பியன்

கொழும்பு ஊடகவியலாளர்கள் சங்கத்தின் வருடாந்த சிநேகபூர்வ மென்பந்து கிரிக்கெட் சுற்றுப்போட்டி “கோட்டே அங்கம்பிட்டிய” மைதானத்தில் ஞாயிற்றுக்கிழமை (04) இரண்டாவது தடவையாகவும் நடைபெற்றது.

இதில் கொழும்பு ஊடகவியலாளர்கள் சங்கத்தின் அங்கத்தவர்கள் அடங்கிய 8 அணிகள் போட்டியிட்டன. இறுதிப் போட்டியில் கொழும்புறோயல் அணி சாம்பியன் கிண்ணத்தை வெற்றிக் கொண்டது.

இப்போட்டியில் பதில் பொலிஸ்மா அதிபர் தேசபந்து தென்னகோன், பொலிஸ் ஊடகப்பேச்சாளர் பிரதிப் பொலிஸ்மா அதிபர் நிஹால் தல்தூவ, அரசியல் வாதிகள், அரச அதிகாரிகள் கலந்து கொண்டனர்.

எம்.நஸார்