புத்தளம் ‘லவ் பேட்ஸ்’ அணி சாம்பியன்

எம்.யூ.எம்.சனூன்

76 ஆவது சுதந்திர தினமான ஞாயிற்றுக்கிழம (04) புத்தளம் Bio Plus பாமசியினால் நடாத்தப்பட்ட அணிக்கு ஏழு பேர் கொண்ட கிரிக்கெட்  சுற்றுத் தொடர்   புத்தளம் நாகாஸ் மற்றும் ப்லாஸ்டர்ஸ் மைதானங்களில் நடைபெற்றன. 

மொத்தமாக 16 அணிகள் பங்கு பற்றிய இந்தத் தொடரில் புத்தளம் லவ் பேட்ஸ் அணி சாம்பியன் பட்டத்தை பெற்றுக் கொண்டது. அதே நேரம், மான் கராத்தே அணி இரண்டாம் இடத்தை தக்க வைத்துக்கொண்டது. 

சிறந்த துடுப்பாட்ட வீரராக லவ் பேட்ஸ் அணியின் லிபிசன், சிறந்த பந்து வீச்சாளராக மான் கராத்தே அணியின் சாதிக்  தெரிவு செய்யப்பட்டனர். சிறந்த தொடர் ஆட்ட நாயகனாக லவ் பேட்ஸ் அணியின் லிபிசன் தெரிவு செய்யப்பட்டார்.