கால்பந்தாட்ட போட்டியில் பைனியர்ஸ் விளையாட்டுக் கழகத்திற்கு சம்பியன்

(எப்.முபாரக்)

கிண்ணியா ஜுனியர்ஸ் விளையாட்டுக் கழகம், கிண்ணியா பிரதேச விளையாட்டுக் கழகங்களுக்கிடையே நடத்திய கால்பந்தாட்டச் சுற்றுப்போட்டியில் பைனியர்ஸ் விளையாட்டுக் கழகம்  இந்த  வருடத்துக்கான சம்பியனாகத் தெரிவு செய்யப்பட்டது

32 விளையாட்டுக்கழகங்கள் பங்குபற்றிய இந்த கால்பந்தாட்ட சுற்றுப்போட்டியின் இறுதிப்போட்டி நேற்று ஞாயிற்றுக்கிழமை கிண்ணியா எழிலரங்கு மைதானத்தில் நடைபெற்றது.

இதன்போது பைனியர்ஸ் விளையாட்டுக்கழகம் ஜுனியர்ஸ் விளையாட்டுக்கழகத்தை எதிர்த்து விளையாடி 1க்கு 0 என்ற கோல் கணக்கில் வெற்றி பெற்று சம்பியன் கிண்ணத்தை சுவீகரித்துக்கொண்டது.