இரஜமஹா விகாரையில் புதையல் தோண்டிய 06 பேர் கைது

சூரியவெவ, கெமஹத்த புராதன இரஜமஹா விகாரையில் புதையல் தோண்டிய 06 பேர் கைது செய்யப்பட்டதாக சூரியவெவ பொலிஸ் விசேட அதிரடிப்படையினர் தெரிவித்துள்ளனர்.

சூரியவெவ பொலிஸ் விசேட அதிரடிப்படை அதிகாரிகளுக்கு கிடைத்த தகவலின் பிரகாரம் அதிகாலை 03 மணியளவில் இந்த சுற்றிவளைப்பு மேற்கொள்ளப்பட்டுள்ளது இந்தநிலையில் சூரியவெவ, நமடகஸ்வெவ, செவனகல, மித்தெனிய மற்றும் துங்கம பிரதேசங்களைச் சேர்ந்த 06 சந்தேகநபர்களே கைது செய்யப்பட்டுள்ளனர்.

சூரியவெவ பொலிஸ் பிரிவிற்குட்பட்ட கெமஹட புராண இராஜ மகா விகாரையின் கெமஹட பாறைக் கல்வெட்டுக்கு அருகில் உள்ள குளத்தின் கீழ் பகுதியில் புதையல் தோண்டிய போதே சந்தேகநபர்கள் கைது செய்யப்பட்டுள்ளதாக தெரிவிக்கப்படுகிறது.