தப்பிச் சென்ற கைதி மீண்டும் கைது

மாத்தறை சிறைச்சாலையிலிருந்து தப்பிச் சென்ற கைதி ஒருவர் காலி ரயில் நிலையத்தில் வைத்து காலி சிறைச்சாலை அதிகாரிகளால் கைது செய்யப்பட்டுள்ளார்.

குறித்த நபர் மாத்தறை சிறைச்சாலையில் தடுத்து வைக்கப்பட்டிருந்த நிலையில் இன்னும் சில சிறைச்சாலை கைதிகளுடன் மாத்தறையில் உள்ள பிரிவெனா ஒன்றிற்கு பணி நிமித்தம் அழைத்துச் செல்லப்பட்டபோது அங்கிருந்து தப்பிச் சென்று தனியார் பஸ் ஒன்றில்  காலி பிரதேசத்திற்கு சென்றுள்ளார்.

இதனையடுத்து, காலி ரயில் நிலையத்திற்கு வந்து  ரயிலில் ஏற முற்பட்டபோது காலி சிறைச்சாலை அதிகாரிகளால் குறித்த சந்தேக நபரை கைது செய்துள்ளனர்.