பாகிஸ்தான் உயர்ஸ்தானிகர் கடற்படைத் தளபதியுடன் சந்திப்பு

இலங்கைக்கான புதிய பாகிஸ்தான் உயர்ஸ்தானிகர், ஓய்வுபெற்ற மேஜர் ஜெனரல் உமர் பாரூக் புர்கி, கடற்படைத் தளபதி வைஸ் அட்மிரல் நிஷாந்த உலுகேதென்னவை இன்று (10) கடற்படைத் தலைமையகத்தில் சந்தித்தார்.

கடந்த பெப்ரவரி 2 ஆம் திகதி இலங்கைக்கான பாகிஸ்தானின் புதிய உயர்ஸ்தானிகராக ஓய்வுபெற்ற மேஜர் ஜெனரல் உமர் பாரூக் புர்கி நியமிக்கப்பட்டதன் பின்னர் கடற்படைத் தளபதியுடனான முதல் உத்தியோகபூர்வ சந்திப்பு இதுவாகும். 

இந்த சந்திப்பின்  போது இருதரப்பு விவகாரங்கள் மற்றும் கடற்படைத் தளபதியின் பாகிஸ்தானுக்கான உத்தியோகபூர்வ விஜயம் தொடர்பில்  கலந்துரையாடப்பட்டது.

இந்த சந்திப்பில் இலங்கைக்கான பாகிஸ்தான் உயர்ஸ்தானிகராலயத்தின் பாதுகாப்பு ஆலோசகர் கேணல் முஹம்மட் சப்தர் கானும் கலந்துகொண்டார்.