போதையில் விபத்து ; நால்வர் கைது

களனி - தோரண சந்தி பகுதியில் குடிபோதையில் காரை செலுத்தி இரண்டு மோட்டார் சைக்கிளுடன் மோதி விபத்து ஏற்படுத்தி தப்பிச்சென்ற சாரதி உட்பட நால்வரை  ஞாயிற்றுக்கிழமை (21) வத்தளை-ஹெக்கிட்ட பிரதேசத்தில் வைத்து  கைது செய்யப்பட்டதாக பேலியகொட பொலிஸார் தெரிவித்துள்ளனர்.

குறித்த சாரதி உட்பட நண்பர்கள் நால்வரும் திருமண வைபவமொன்றில் கலந்துகொண்டு மதுபோதையில் வீட்டுக்குச் சென்று கொண்டிருந்த போது கொழும்பு – கண்டி  தோரண சந்தியில் வைத்து  இவ்விபத்து இடம்பெற்றுள்ளதாக பொலிஸார் குறிப்பிட்டுள்ளனர்.  

குறித்த விபத்தில் மோட்டார் சைக்கிளில் பயணித்த பெண் ஒருவரும் காயமடைந்து ராகம வைத்தியசாலையில் அனுமதிக்கப்பட்டுள்ளதுடன், இச்சம்பவம் தொடர்பில் பொலிஸார் விசாரணைகளை மேற்கொண்டு வருவதாகத் தெரிவித்துள்ளனர்.