வீட்டின் முன் நின்ற குடும்பப் பெண் குத்திக் கொலை

அனுராதபுரம், ராஜாங்கனை, அங்கமுவ பகுதியில் உள்ள ஒரு வீடொன்றில் இருந்த பெண் ஒருவரை கூர்மையான ஆயுதத்தால் குத்திக் கொலை செய்யப்பட்ட சம்பவம் திங்கட்கிழமை (01) இரவு இடம்பெற்றுள்ளது.

ராஜாங்கனை, யாய 08, அங்கமுவ பகுதியைச் சேர்ந்த, இரண்டு குழந்தைகளின் தாயான ராஜபக்ஷ துரையலாகே தம்மிகா ராஜபக்ஷ (50) என்பவராவார்.

குறித்த பெண் தனது வீட்டின் முன் இருந்த போது இனந்தெரியாத ஒருவர் கூர்மையான ஆயுதத்தால் தலையில் குத்தியுள்ளதாக பொலிஸார் தெரிவிக்கின்றனர்.

இதில் பலத்த காயமடைந்த பெண் ராஜாங்கனை,  மருத்துவமனையில் அனுமதிக்கப்பட்டு பின்னர் சிகிச்சை பலனின்றி உயிரிழந்துள்ளார்.