அர்ஜுன ரணதுங்க கைது?

கொழும்பு தலைமை நீதவான் அசங்க எஸ். போதரகம முன்னிலையில் சாட்சியங்களை சமர்ப்பித்த லஞ்ச ஒழிப்பு ஆணைக்குழு, இன்று

முன்னாள் அமைச்சர் அர்ஜுன ரணதுங்கவை சந்தேக நபராகப் பெயரிட்டு, அவரைக் கைது செய்து நீதிமன்றத்தில் ஆஜர்படுத்துவதாக

இலஞ்சம் அல்லது ஊழல் பற்றிய சார்த்துரைகளைப் புலனாய்வு செய்வதற்கான ஆணைக்குழு கொழும்பு பிரதான நீதவான் அசங்க எஸ். போதரகம முன்னிலையில் சாட்சியங்களை சமர்ப்பித்த கூறியது.

நாட்டிற்குத் தேவையான பெட்ரோலியப் பொருட்களை வாங்குவதற்கான விலைமனுக்கோரல் செயல்பாட்டில் தன்னிச்சையாக தலையிட்டு 800 மில்லியன் ரூபாய் இழப்பை ஏற்படுத்தியதற்காக கைது செய்யப்பட்டு நீதிமன்றத்தில் ஆஜர்படுத்தப்பட்ட இலங்கை பெட்ரோலியக் கூட்டுத்தாபனத்தின் முன்னாள் தலைவர் தம்மிக்க ரணதுங்கவுக்கு எதிரான புகாரை  முன்வைத்த போதே இலஞ்சம் அல்லது ஊழல் பற்றிய சார்த்துரைகளைப் புலனாய்வு செய்வதற்கான ஆணைக்குழு இவ்வாறு தெரிவித்துள்ளது.  

தலைவர் தம்மிக்க ரணதுங்க முதல் சந்தேக நபராகவும், அர்ஜுன ரணதுங்க இரண்டாவது சந்தேக நபராகவும் பெயரிடப்பட்டுள்ளதாக இலஞ்சம் அல்லது ஊழல் பற்றிய சார்த்துரைகளைப் புலனாய்வு செய்வதற்கான ஆணைக்குழு மேலும் தெரிவித்துள்ளது.

அர்ஜுன ரணதுங்க வெளிநாட்டில் இருப்பதால்,  அவரைக் கைது செய்து நீதிமன்றத்தில் ஆஜர்படுத்த முடியாது என்று தெரிவிக்கப்பட்டது.

சந்தேக நபருக்காக ஆஜரான ஜனாதிபதி வழக்கறிஞர் சாலிய பீரிஸ், நீதிமன்றத்தில் சாட்சியங்களை சமர்ப்பித்து, விசாரணைகளுக்கு உதவி செய்யும் தனது கட்சிக்காரரை பிணைச் சட்டத்தின்படி விடுவிக்குமாறு கோரினார்.

இரு தரப்பினரின் வாதங்களையும் பரிசீலித்த பிரதான நீதவான், சந்தேக நபரை தலா 1 மில்லியன் ரூபாய் மதிப்புள்ள இரண்டு சரீரப் பிணைகளில் விடுவிக்க உத்தரவிட்டார், மேலும் சாட்சிகளுக்கு பாதிப்புகளை ஏற்படுத்தக்கூடாது என கடுமையாக எச்சரித்தார். சந்தேக நபர், இரட்டை குடியுரிமை பெற்றவர் என்பதால் அவர் வெளிநாடு செல்வதற்கு தடை விதிக்கவும் உத்தரவிட்டார்.