இரவு விடுதி உரிமையாளர் கொலை; 6 பேருக்கு விளக்கமறியல்

அநுராதபுரம், முதித்தா மாவத்தையில் உள்ள பிரபல்யமான இரவு விடுதியொன்றின் உரிமையாளரும் காரத்தே சாம்பியனுமான வசந்த சொய்சாவின் படுகொலை தொடர்பில் கைதுசெய்யப்பட்ட 6 பேர் விளக்கமறியலில் வைக்கப்பட்டுள்ளனர். 

இந்த சம்பவம் தொடர்பில் திங்கட்கிழமை எட்டுப்பேரை சந்தேகத்தின் பேரில்  பொலிஸார் கைதுசெய்திருந்தனர். 

கைதுசெய்யப்பட்ட சந்தேகநபர்கள், அநுராதபுரம் பிரதான நீதவானும் மாவட்ட மேலதிக நீதவானுமாகிய உமேஸ் ஷானக்க முன்னிலையில் இன்று செய்வாய்க்கிழமை ஆஜர்படுத்தப்பட்டனர்.

அதன்போது, சந்தேகநபர்கள் 6 பேரை  எதிர்வரும் நவம்பர் மாதம் 9ஆம் திகதிவரை விளக்கமறியலில் வைக்குமாறு நீதவான் உத்தரவிட்டார்.

அத்துடன், ஏனைய இரண்டு சந்தேகநபர்களிடம் விசாரணைகளை மேற்கொள்வதற்காக பொலிஸ் தடுப்பு காவலில் வைக்கப்பட்டுள்ளனர்.