உள்ளூராட்சி மன்ற தேர்தல் ஒத்திவைப்பு: எதிர்த்து வழக்கு

உள்ளூராட்சி மன்றங்களுக்கான தேர்தல் ஒத்திவைக்கப்பட்டமை சட்டவிரோதமானது என்று கூறி உயர்நீதிமன்றத்தில் வழக்குத் தாக்கல் செய்யப்பட்டுள்ளது.

நான்கு நகர சபைகளின் முன்னாள் நகரசபை தலைவர்கள் உள்ளிட்டவர்களே இந்த வழக்கை தாக்கல் செய்துள்ளனர்.

தெஹிவளை-கல்கிசை, மொரட்டுவ, காலி மற்றும் அநுராதபுரம் ஆகிய நகர சபைகளின் முன்னாள் நகர சபைத்தலைவர்களே இவ்வாறு வழக்குத்தாக்கல் செய்துள்ளனர்.

உள்ளூராட்சி மன்றங்களுக்கான தேர்தலை உடனடியாக நடத்த கட்டளையிடவேண்டும் என்றே அந்த மனுவில் கோரப்பட்டுள்ளது.

இந்த உள்ளூராட்சி மன்றங்களுக்கான தேர்தலை நடத்தாமல் விடுவதற்காக தேர்தல்கள் ஆணையாளர் எடுத்த தீர்மானம் சட்டவிரோதமானது என்றும் அந்த மனுவில் குறிப்பிடப்பட்டுள்ளது.