எமில் ரஞ்சனின் விளக்கமறியல் நீடிப்பு

2012ஆம் ஆண்டு வெலிக்கடை சிறைச்சாலைக்குள் 27 கைதிக​ள் கொலை செய்யப்பட்ட சம்பவத்தின் சந்தேகநபரான முன்னாள் சிறைச்சாலைகள் ஆணையாளர் எமில் ரஞ்சனின் விளக்கமறியல் நீடிக்கப்பட்டுள்ளது.

எதிர்வரும் 22ஆம் திகதி வரை இவரை விளக்கமறியலில் வைக்குமாறு, கொழும்பு மேலதிக நீதவான் இசுரு நெத்திகுமார இன்று உத்தரவிட்டுள்ளார்.

இந்தச் சம்பவம் தொடர்பில் மேலதிக விசாரணைகள் முன்னெடுக்கப்பட வேண்டியுள்ளதாக இரகசியப் பொலிஸார் நீதிமன்றில் அறிவித்துள்ளனர்.

இதேவேளை இந்தச் சம்பவத்துடன் தொடர்புடைய மற்றுமொரு சந்தேகநபரான பொலிஸ் போ​தை ஒழிப்பு அலுவலகத்தின் முன்னாள் பொலிஸ் பரிசோதகர் நியோமல் ரங்கஜீவ பிணையில் விடுவிக்கப்பட்டுள்ளமை குறிப்பிடத்தக்கது.