ஐ.ஓ.சி - எல்.பி.சி ஊழியரிடையே சீனன்குடாவில் முறுகல்

வடமலை ராஜ்குமார்

திருகோணமலை சீனக்குடா இந்திய பெற்றோலிய கூட்டத்தாபனப் பகுதியில் உள்ள எரிபொருள் சேமிப்பு கிடங்குகளைப் பழுதுபார்க்க, இலங்கை எரிபொருள் கூட்டுத்தாபன பணியாளர்களுக்கு அனுமதி மறுக்கப்பட்டதால் ஏற்பட்ட முறுகல் நிலையைத் தொடர்ந்து, இலங்கை கூட்டறவு அதிகாரிகளால் சீனக்குடா பொலிஸில் முறைப்பாடு செய்யப்பட்டுள்ளது.

இலங்கை பெற்றோலிய கூட்டுத்தாபனத்தின் எரிபொருள் சேமிப்பு நிலையமான சீனக்குடா எரிபொருள் சேமிப்பு மற்றும் மொத்த விநியோக நிலையம், பல ஆண்டகளுக்கு முன்னர், இந்திய பெற்றொலியக் கூட்டுத்தாபனத்துக்கு குத்தகைக்கு வழங்கப்பட்டது.

இந்நிலையில், அங்குள்ள எரிபொருள் சேமிப்பு கிடங்குகளை பழுதுபார்க்கும் நடவடிக்கையை, இலங்கை பெற்றொலியக் கூட்டத்தாபனத் தலைவர் முன்னெடுத்தபோது, அதற்கு இந்திய பெற்றொலிய கூட்டத்தாபன அதிகாரிகள் அனுமதி மறுத்தமையால், இது தொடர்பாக சீனக்குடா பொலிஸில் முறைப்பாடு செய்யப்பட்டுள்ளது. இது தொடர்பில், பொலிஸார் விசாரணைகளை மேற்கொண்டு வருகின்றனர்.