கட்டடம் தாழிறங்கியதால் சாரதிகளுக்கு எச்சரிக்கை

கட்டுகஸ்தோட்டை முச்சந்தியிலிருந்து 2 கிலோமீற்றர் தூரத்தில் அமைக்கப்பட்டு வந்த 5 மாடிக் கட்டடம் ஒன்று நேற்று (12) மாலை 5.30 மணியளவில் திடீரென தாழிறங்கியுள்ளது.

இதன் காரணமாக, கட்டுகஸ்தோட்டை- குருநாகல் வீதியில் மறு அறிவித்தல் வரை, கனரக வாகனங்கள் செலுத்துவதைத் தவிர்த்துக்கொள்ளுமாறு அனர்த்த முகாமைத்துவ மத்திய நிலையம் சாரதிகளுக்கு அறிவுறுத்தியுள்ளதாக அரசாங்கத் தகவல் திணைக்களத்தின் அறிக்கையில் தெரிவிக்கப்பட்டுள்ளது.

எனினும் இக்கட்டடம் தாழிறங்கியதால், எவ்வித உயிராபத்துகளும் ஏற்படவில்லை என்றும்  தெரிவிக்கப்பட்டுள்ளது.