கணவனின் மது கோப்பையில் விஷம் கலந்த மனைவி கைது

தனது கணவனின் மது கோப்பையில் விஷம் கலந்து படுகொலைச் செய்த குற்றச்சாட்டில் அவரது மனைவியும் மனைவியின் சகோதரனும் கைது செய்யப்பட்டுள்ளனர்.

பெலியத்த கொஸ்கஹகொட பிரதேசத்தில் வசிக்கும் 3 பிள்ளைகளின் தாயும் (45 வயது), அவருக்கு ஆதரவாக இருந்த அவரது சகோதரரும் இன்று (25) பிற்பகல் கைது செய்யப்பட்டனர்.

தனது கணவரின் மது கோப்பையில் விஷ இரசாயனத்தை ஊற்றி கொலை செய்த குற்றச்சாட்டில் கைது செய்யப்பட்டதாக பெலியத்த பொலிஸார் தெரிவித்தனர்.

சந்தேகநபரின் கணவர் கடந்த 20ஆம் திகதி தனது வீட்டில் மது அருந்திய போது ஏற்பட்ட சுகவீனம் காரணமாக உயிரிழந்துள்ளதாகவும் பிரேத பரிசோதனையில் விஷம் அருந்தி உயிரிழந்துள்ளதாகவும் பொலிஸார் தெரிவித்தனர்.