கல்வி அமைச்சு விசேட அறிவுறுத்தல்

  ஏ.எச்.ஏ. ஹுஸைன்

உலகளாவிய எரிபொருள் நெருக்கடி நிலவும் சூழலில், பாடசாலைகளின் தினசரி நிர்வாகம் மற்றும் கற்றல்-கற்பித்தல் செயற்பாடுகளைத் தடையின்றி முன்னெடுப்பது தொடர்பாகக் கல்வி அமைச்சு புதிய சுற்றுநிருபம் ஒன்றின் ஊடாகத் தெளிவான அறிவுறுத்தல்களை வழங்கியுள்ளது.

எரிபொருள் மற்றும் சக்திப் பயன்பாட்டைச் சிக்கனமாக மேலாண்மை செய்து, கல்வி நடவடிக்கைகளைத் தொடர்ச்சியாக முன்னெடுத்துச் செல்லும் நோக்கில் வெளியிடப்பட்டுள்ள அந்த வழிகாட்டல்கள் வருமாறு:

• புதன்கிழமை விடுமுறை: மறு அறிவித்தல் வரும் வரை, ஒவ்வொரு வாரமும் புதன்கிழமை பாடசாலை விடுமுறை நாளாகக் கருதப்படும். அன்றைய தினம் மாணவர்கள் வீட்டிலிருந்தே சுய கற்றலில் ஈடுபடுவதற்குத் தேவையான பயிற்சிகள், மேலதிக வாசிப்புகள் மற்றும் மீளாய்வுப் பணிகளை வழங்குவதற்கு அதிபர்கள் நடவடிக்கை எடுக்க வேண்டும்.
• நிகழ்ச்சிகளுக்குக் கட்டுப்பாடு: பாடத்திட்டத்தை முழுமையாகக் கற்பிக்க வேண்டிய காலம் குறைந்துள்ளதால், பாடசாலை நேரங்களில் பாடசாலைகளோ அல்லது வெளிப்புற அமைப்புகளோ ஏற்பாடு செய்யும் விழாக்கள் மற்றும் இதர கொண்டாட்டங்களுக்கு நேரத்தை ஒதுக்கக் கூடாது.
• எளிமையான நிகழ்வுகள்: எரிபொருள் பயன்பாட்டைக் குறைக்கும் வகையில், பாடசாலைகளில் நடத்தப்படும் அத்தியாவசிய விழாக்கள் மிகவும் எளிமையான முறையில் அமைய வேண்டும். அதிக எரிபொருள் செலவிடப்படும் வாகன ஊர்வலங்கள் போன்றவை தற்காலிகமாகத் தடை செய்யப்படுகின்றன.
• சுற்றுலாப் பயணங்கள் ரத்து: பாடசாலைக் கல்விச் சுற்றுலாக்களை ஏற்பாடு செய்தல் அல்லது ஏற்கனவே திட்டமிடப்பட்டுள்ள சுற்றுலாக்களில் மாணவர்கள் பங்கேற்பது மறு அறிவித்தல் வரும் வரை தற்காலிகமாக நிறுத்தப்படுகிறது.

மேற்குறிப்பிட்ட வழிமுறைகளைப் பின்பற்றி, இக்காலப்பகுதியில் கற்றல்-கற்பித்தல் நடவடிக்கைகள் தடையின்றி நடைபெற கல்வி நிர்வாகத்தினர் முழுமையான ஒத்துழைப்பை