‘காற்றின் வேகம் அதிகரிக்கும் சாத்தியம்’

வடக்கு, வடமத்திய, கிழக்கு ஆகிய மாகாணங்களிலும் ஹம்பாந்தோட்டை, திருகோணமலை ஆகிய மாவட்டங்கிளிலும் அத்துடன் மத்திய மலைநாட்டு பிரதேசங்கள் சிலவற்றிலும் காற்றின் வேகம் 60 கிலோமீற்றர் வரை அதிகரிக்கும் என வளிமண்டலவியல் திணைக்களத்தால் எதிர்வுக்கூறப்பட்டுள்ளது.

இதன்படி ஹம்பாந்தோட்டையிலிருந்து பொத்துவில் வரையான கடற்பகுதிகளிலும் புத்தளத்திலிருந்து காங்கேசன்துறை, முல்லைத்தீவு, திருகோணமலை வரையான கடற்பகுதிகளில் காற்றின் வேகம் 60 தொடக்கம் 65 வரை அதிகரிக்குமென திணைக்களத்தால் மேலும் தெரிவிக்கப்பட்டுள்ளது.

ஆகையால் மீன்பிடி, ஏனைய கடற்றொழில்களில் ஈடுபடும் மீனவர்கள் மிகவும் அவதானத்துடன் செயற்படுமாறு மேலும் வேண்டுகோள் விடுக்கப்பட்டுள்ளது.