சஹ்ரானின் சகா கைது

தேசிய தௌஹீத் ஜமாஆத் அமைப்பின் தலைவரான தற்கொலை குண்டுதாரி சஹ்ரான் ஹாஸிமுடன் தொடர்பைக் கொண்டிருந்தார் என்ற சந்தேகத்தில், வெலிமடையைச் சேர்ந்த ஒருவர், நேற்று (16) கைதுசெய்யப்பட்டுள்ளார்.

வெலிமடை - பொரகஸ் சீல்மியாபுர, புதுர்திஸா மாவத்தையைச் சேர்ந்த 21 வயதான நபரே, கைதுசெய்யப்பட்டுள்ளார் எனப் பொலிஸார் தெரிவித்தனர்.

அவர், சஹ்ரானின் போதனை வகுப்புகளில் பங்குபற்றினார் என்றும், மாவனெல்லையில் புத்தர் சிலைகள் உடைக்கப்பட்ட விவகாரத்துடன் தொடர்புடைய சந்​தேநகபர்களுடன் நேரடி தொடர்புகளை கொண்டிருந்தார் என்றும் விசாரணைகளிலிருந்து கண்டறியப்ப ட்டுள்ளனவென பொலிஸார் தெரிவித்தார்.கைதுசெய்யப்பட்ட சந்தேகநபரை, வெலிமடை நீதவான் நீதிமன்றத்தில் இன்று (17) ஆஜர்படுத்துவதற்கு நடவடிக்கை எடுத்துள்ளதாக தெரிவித்த பொலிஸார், மேலதிக விசாரணைகளை மேற்கொண்டு வருவதாகவும் தெரிவித்தனர்.