சாந்த பண்டார தொடர்பில் அதிரடி நடவடிக்கை

ஸ்ரீ லங்கா சுதந்திரக் கட்சியில் பாராளுமன்ற உறுப்பினர் சாந்த பண்டார  வகித்த அனைத்து பதவிகளில் இருந்தும் அவர் நீக்கப்பட்டுள்ளதாக அறிவிக்கப்பட்டுள்ளது.

கட்சியின் தேசிய அமைப்பளார் துமிந்த திசாநாயக்க இதனை தெரிவித்துள்ளார்.

முன்னதாக, ஸ்ரீ லங்கா சுதந்திரக் கட்சியின் பாராளுமன்ற உறுப்பினர் சாந்த பண்டார, இராஜாங்க அமைச்சர் பதவியை  ஏற்றுக் கொண்டுள்ளார். 

அவர் விவசாய இராஜாங்க அமைச்சராக பதவி  ஏற்றுக் கொண்டு, கட்சியின் தீர்மானங்களுக்கு எதிராக செயற்பட்டமையால் இந்த தீர்மானம் எடுக்கப்பட்டுள்ளதாக தெரிவிக்கப்படுகின்றது.