‘த.தே.கூவின் தேவைக்கேற்ப தீர்மானங்கள் எடுக்கப்படாது’

தமிழ்த் தேசியக் கூட்டமைப்பின் தேவைக்கேற்ப, அமைச்சரவைத் தீர்மானங்கள் எடுக்கப்பட மாட்டாதெனவும் அதற்கு ஒருபோதும் இடமளிக்கப் போவதில்லை என்றும், மலைநாட்டு புதிய கிராமங்கள், உட்கட்டமைப்பு வசதி மற்றும் சமூக அபிவிருத்தி அமைச்சர் பழனி திகாம்பரம் தெரிவித்தார்.   

அமைச்சரவைக்குள் எடுக்கப்படும் தீர்மானங்கள், தமிழ்த் தேசியக் கூட்டமைப்பின் தேவைக்கேற்பவே எடுக்கப்படுவதாக, கூட்டமைப்பின் நாடாளுமன்ற உறுப்பினர்களான எம்.ஏ.சுமந்திரன் மற்றும் மாவை சேனாதிராஜா ஆகியோர் தெரிவித்ததாக, ஊடகங்கள் சில வெளியிட்டுள்ள கருத்துகள் குறித்து விளக்கம் அளிக்கையிலேயே, அவர் மேற்கண்டவாறு கூறினார்.   

இது தொடர்பில் தொடர்ந்து பதிலளித்துள்ள அமைச்சர் திகாம்பரம், தமிழ்த் தேசியக் கூட்டமைப்பின் நாடாளுமன்ற உறுப்பினர்கள், அரசியல் இலாபம் கருதி, இவ்வாறான கருத்துகளை வெளியிட்டு வருவதாகக் குற்றஞ்சாட்டினார்.