‘நாடாளுமன்றத்தில் மரணங்கள் கூட நிகழலாம்’

தற்போது நாடாளுமன்றத்தில் இடம்பெறும் சம்பவங்களுக்கமைய, எதிர்வரும் காலங்களில் நாடாளுமன்றத்துக்குள் நாடாளுமன்ற உறுப்பினர்கள் ஓரிருவர் இறப்பதற்கும் வாய்ப்புள்ளதாக விவசாயத்துறை அமைச்சர் மஹிந்த அமரவீர தெரிவித்துள்ளார்.

இந்த நிலைமையை உருவாக்கியவர் சபாநாயகர் என்றும் தெரிவித்துள்ள அவர், அவ்வாறானதொரு சம்பவம் இடம்பெறுமாயின்  கண்டிப்பாக அதற்கான பொறுப்பை சபாநாயகரே ஏற்கவேண்டுமெனவும் அவர் தெரிவித்துள்ளார்.

நேற்று (17) அங்குனபொலபெலஸ்ஸ  தொகுதி அமர்வு குழுக் கூட்டத்தில் கலந்துக்​கொண்டு உரையாற்றுகையிலேயே இவ்வாறு தெரிவித்தார்.