’பலத்த மழை பெய்யக்கூடிய சாத்தியம்’

மேல், மத்திய, சப்ரகமுவ மற்றும் வடமேல் மாகாணங்களிலும் காலி மற்றும் மாத்தறை மாவட்டங்களிலும் மழை பெய்யக்கூடிய  சாத்தியம் காணப்படவதுடன், ஹம்பாந்தோட்டை மாவட்டத்தில் பலத்த மழை பெய்யக்கூடிய சாத்தியம் காப்படுவதாக வளிமண்டலவியல் திணைக்களத்தால் எதிர்வுக்கூறப்பட்டுள்ளது.

கிழக்கு மற்றும் ஊவா மாகாணங்களிலும் முல்லைத்தீவு மாவட்டத்திலும் பல இடங்களில் பி.ப. 2.00 மணிக்குப் பின்னர் மழையோ அல்லது இடியுடன் கூடிய மழையோ பெய்யக்கூடிய சாத்தியம் காணப்படுவதாகத் தெரிவிக்கப்பட்டுள்ளதுடன், இடியுடன் கூடிய மழை பெய்யும் வேளைகளில் அப்பிரதேசங்களில் தற்காலிகமாக பலத்த காற்றும் வீசக்கூடுமென்றும் தெரிவிக்கப்பட்டுள்ளது.

மேலும் புத்தளத்திலிருந்து கொழும்பு மற்றும் காலி ஊடாக ஹம்பாந்தோட்டை வரையான கரையோரத்துக்கு அப்பாற்பட்ட கடற்பரப்புகளில் பல இடங்களில் மழையோ அல்லது இடியுடன் கூடிய மழையோ பெய்யக்கூடிய சாத்தியம் காணப்படுவதாகவும், கடற்பரப்புகளில் தென்மேற்கு திசையிலிருந்து வீசக்கூடும் காற்றின் வேகமானது மணிக்கு 30-40 கிலோ மீற்றர் வரை காணப்படும் என்றும் எதிர்வுக்கூறப்பட்டுள்ளது.