பொதுமக்களுக்கு விசேட ஆலோசனை

தமிழ், சிங்கள புத்தாண்டு காலத்தில் பொருட்கொள்வனவில் ஈடுபடும் மக்களுக்காக பொலிஸார் விசேட ஆலோசனைகளை வௌியிட்டுள்ளனர்.

மக்கள் அதிகம் கூடும் பகுதிகளுக்குச் செல்லும் போது அனைத்து சந்தர்ப்பங்களிலும் பணம் மற்றும் கைப்பைகள் தொடர்பில் அதிக எச்சரிக்கையுடன் செயற்படுமாறு அறிவுறுத்தப்பட்டுள்ளது.

பொலிஸ் ஊடகப் பேச்சாளர், பிரதி பொலிஸ் மா அதிபர் அஜித் ரோஹண இதனை தெரிவித்துள்ளார்.

ரயில்கள் மற்றும் மக்கள் அதிகம் கூடும் பகுதிகளில் தங்க நகைகள் கொள்ளை, திருட்டுச் சம்பவங்கள் குறித்து அவதானத்துடன் செயற்படுமாறு பொதுமக்களுக்கு அறிவுறுத்தப்பட்டுள்ளது.