’பொது வேட்பாளரை நிறுத்தமுடியாவிட்டால் மாற்றுவழி’

எதிர்வரும் ஜனாதிபதி தேர்தலில் பொது வேட்பாளர் ஒருவரை நிறுத்துவதற்கு தொடர்ந்தும் முயற்சிகள் முன்னெடுக்கப்பட்டு வருவதாக கிழக்கு மாகாண ஆளுநர் சான் விஜயலால் டி சில்வா தெரிவித்துள்ளார்.

அம்பலாங்கொடை பிரதேசத்தில் வைத்து ஊடகங்களுக்கு கருத்து வெளியிட்ட அவர், பொது வேட்பாளரை நிறுத்தும் முயற்சி தோல்வியடைந்தால் ஸ்ரீலங்கா சுதந்திரக் கட்சி தனது ஜனாதிபதி வேட்பாளரை தனித்து களமிறக்கும் என்றும் கூறியுள்ளார்.

இதேவேளை, ஜனாதிபதி தேர்தலில் போட்டியிடுவது தொடர்பில் தெளிவான பதிலொன்றினை ஜனாதிபதி மைத்திரிபால சிறிசேன, இதுவரை வழங்கவில்லை என்றும் அவர் சுட்டிக்காட்டியுள்ளார்.