ரயிலுடன் மோதுண்டு யானைகள் பலி

அம்பன்பொல மற்றும் பலுகஸ்வெவ பிரதேசத்தில் வைத்து ரயிலுடன் மோதுண்டு இரு யானைகள் உயிரிழந்துள்ளன.

நேற்று (20) கொழும்பிலிருந்து காங்கேசன்துறை நோக்கி பயணம் செய்த, ரயிலில் இரு யானைகள் மோதிய நிலையில், ஒரு யானை சம்பவ இடத்தில் பலியானதுடன், மற்றைய யானை பலத்த காயங்களுக்குள்ளாகியுள்ளதாகத் தெரிவிக்கப்பட்டுள்ளது. 

மேலும் கொழும்பிலிருந்து மட்டக்களப்பு நோக்கி பயணம் செய்த “மீனகயா” என்ற ரயிலில் , பலுகஸ்வெவ பிரதேசத்தில் வைத்து யானையொன்று  ரயிலுடன் மோதுண்டு உயிரிழந்துள்ளதாகத் தெரிவிக்கப்பட்டுள்ளது.

இவ்வாண்​டின் பத்து மாத காலப்பகுதியில் இதுவரையில்  பத்து காட்டு யானைகள் ரயிலுடன்மோதுண்டு உயிரிழந்துள்ளதாக வனஜீவராசிகள் திணைக்களம் மேலும் தெரிவித்துள்ளது.