ரயில் விபத்துகளில் இருவர் உயிரிழப்பு

நாட்டின் இருவேறு இடங்களில் இன்று (09) இடம்பெற்ற ரயில் விபத்துகளில் இருவர் உயிரிழந்துள்ளனர்.

கொழும்பில் இருந்து பதுளை நோக்கி சென்றுகொண்டிருந்த ரயிலில் இருந்து கீழே விழுந்து ஒருவர் உயிரிழந்துள்ளார்.

பண்டாரவளையை நோக்கி குறித்த ரயில் பயணித்துக்கொண்டிருந்த போது, அதிகாலை 5.50 மணியளவில் குறித்த நபர் ரயிலில் இருந்து கீழே விழுந்து உயிரிழந்துள்ளார்.

இவ்வாறு ரயிலில் இருந்து கீழே விழுந்து உயிரிழந்த நபர் 21 வயதுடையவர் என பொலிஸார் தெரிவித்துள்ளனர்.

இதேவேளை, பொல்காவலையில் இருந்து கொழும்பு நோக்கி பயணித்த ரயிலில் மோதி மற்றுமொரு நபர் உயிரிழந்துள்ளதாக பொலிஸார் தெரிவித்துள்ளனர்.