வாகனங்களுக்கு 90% குத்தகை வரி

வாகனங்களுக்காக 90 சதவீதம்  வரை குத்தகை வசதிகளை வழங்குவதற்கு நிதி அமைச்சு தீர்மானித்துள்ளது.

இது தொடர்பிலான அறிவுறுத்தல் மக்கள் வங்கியூடாக அரச மற்றும் தனியார் நிதி நிறுவனங்களுக்கு நேற்று அறிவிக்கப்பட்டுள்ளது.

வாகனங்களின் பெறுமதிக்கு ஏற்ப 100 சதவீதம் குத்தகை வசதிகள் கடந்த செப்டெம்பர் மாதம் 15ஆம் திகதி முதல் 70 சதவீதமாக இலங்கை மத்திய வங்கியினால் மட்டுப்படுத்தப்பட்டது.

எவ்வாறாயினும் இந்த நடவடிக்கையினால் சந்தைகளில் காணப்படும் பிரச்சினைகளைக் கருத்திற்கொண்டு வாகனங்களின் பெறுமதிகளுக்கு ஏற்ப 90 சதவீதம் குத்தகை வசதிகளை வழங்குவதற்கு நடவடிக்கை எடுத்துள்ளதாக நிதியமைச்சர் கூறியிருந்தார் என்பது குறிப்பிடத்தக்கதாகும்.