அனுமதியின்றி மணல் ஏற்றிச் சென்றவருக்கு மறியல்

திருகோணமலை, கந்தளாய் பொலிஸ் பிரிவுக்குட்பட்ட பகுதியில் அனுமதிப்பத்திரமின்றி டிப்பர் வாகனத்தில் மணல் ஏற்றிச் சென்ற நபரொருவரை, இம்மாதம் 27ஆம் திகதி வரை விளக்கமறியலில் வைக்குமாறு கந்தளாய் நீதிமன்ற நீதிவான் துசித்த தம்மிக்க உத்தரவிட்டார்.

கந்தளாய், ரஜஏல பகுதியைச் சேர்ந்த 42 வயதுடைய ஒருவரே விளக்கமறியலில் வைக்கப்பட்டுள்ளார். 

குறித்த சந்தேக நபர் கந்தளாயிலிருந்து ரஜஎல பகுதிக்கு டிப்பர் வாகனத்தில் மணலை ஏற்றிக்கொண்டு சென்ற போது, கந்தளாய் பொலிஸாருக்கு கிடைத்த தகவலின் அடிப்படையில்,  புதன்கிழமை (19) மாலை கைதுசெய்யப்பட்டாரென பொலிஸார் தெரிவித்தனர்.