இளைஞனைத் தாக்கிய மூவருக்கு மறியல்

திருகோணமலை, சேருநுவர பொலிஸ் பிரிவுக்குட்பட்ட பகுதியில், இளைஞர் ஒருவரைப் பொல்லால்  தாக்கிய ஈச்சிலம்பற்று, விநாயகபுரம் பகுதியைச் சேர்ந்த 23, 25, 26 வயதுடைய மூவரை, எதிர்வரும் 9ஆம் திகதி வரை விளக்கமறியலில் வைக்குமாறு, மூதூர் நீதவான் நீதிமன்ற நீதிவான் ஐ.என். றிஸ்வான், நேற்று (01) உத்தரவிட்டார்.

சந்தேகநபர்கள் மூவரும் இணைந்து ஒளிந்து நின்று, இளைஞனைப் பொல்லால் தாக்கினரென ஆரம்பகட்ட விசாரணைகளிலிருந்து தெரியவந்துள்ளதாகவும், பழைய பகைமையே இத்தாக்குதலுக்குக் காரணமெனவும், சேருநுவர பொலிஸார் தெரிவித்தனர்.