ஒரு தொகை சிப்பிகளுடன் லொறியின் சாரதி கைது

திருகோணமலை, கிண்ணியா பகுதியில் வைத்து லொறியொன்றில் ஏற்றிச் செல்லப்பட்ட சுமார் 3 இலட்சம் ரூபாய் பெறுமதியான ஒரு தொகை சிப்பிகளை,  நேற்றுக் கைப்பற்றியுள்ளதோடு, குறித்த லொறியின் சாரதியும் கைதுசெய்யப்பட்டுள்ளாரென, கிண்ணியா பொலிஸார் தெரிவித்தனர்.

அனுமதிப்பத்திரமின்றி லொறியில் சிப்பிகள் ஏற்றிச் செல்லப்படுவதாக, பொலிஸாருக்குக் கிடைக்கப் பெற்ற இரகசியத் தகவலின் அடிப்படையில் மேற்படி சிப்பிகள் கைப்பற்றப்பட்டுள்ளன என்பதுடன், மேற்குறிப்பிட்ட சந்தேகநபரும் கைதுசெய்யப்பட்டுள்ளாரென, பொலிஸார் தெரிவித்தனர்.

சந்தேகநபர், பொலிஸ் தடுப்புக் காவலில் வைக்கப்பட்டுள்ளார் என்பதுடன், திருகோணமலை நீதிமன்றத்தில் சந்தேகநபரை ஆஜர்படுத்துவதற்கான ஏற்பாடுகளை, கிண்ணியா பொலிஸார் மேற்கொண்டு வருகின்றனர்.