கடையில் திருட்டு; இளைஞர்களுக்கு மறியல்

திருகோணமலை, வான்எல பகுதியில் பலசரக்குக் கடையொன்றை உடைத்து, அதிலிருந்த பொருட்களைத் திருடிய கிண்ணியா பகுதியைச் சேர்ந்த 18, 21 வயதுடைய இளைஞர்கள் இருவரையும், எதிர்வரும் 21 ஆம் திகதி வரை விளக்கமறியலில் வைக்குமாறு, கந்தளாய் நீதிமன்ற நீதவான் துசித்த தம்மிக்க  உத்தரவிட்டார்.

சந்தேகநபர்கள் இருவரும் இணைந்து, குறித்த கடையை உடைத்து, 10,000 ரூபாய் பெறுமதியான  அலைபேசி மீள் நிரப்பு அட்டைகள் , 5,000 ரூபாய் பணம், பருப்பு, சீனி, மா மற்றும் டின்மீன்கள்  உள்ளிட்ட பொருட்களைத்  திருடியுள்ளதாக, கடை உரிமையாளரால், வான்எல பொலிஸில் முறைப்பாடு செய்யப்பட்டுள்ளது.

சம்பவம் தொடர்பான மேலதிக விசாரணைகளை வான்எல பொலிஸார் மேற்கொண்டு வருகின்றனர்.