கத்திகளுடன் ஐவர் கைது

-அப்துல்சலாம் யாசீம்

திருகோணமலை, மதவாச்சிப் பகுதியிலிருந்து கோமரங்கடவெலவுக்குப் பயணித்த  காரொன்றை வழிமறித்துச் சோதனை செய்தபோது கத்திகள், இரும்புக்கம்பி மற்றும் தடிகளுடன் 5 பேரை ஞாயிற்றுக்கிழமை (9) இரவு பொலிஸார் கைதுசெய்துள்ளனர்.

27 வயது முதல் 47 வயதுவரையானவர்களே இவ்வாறு கைதுசெய்யப்பட்டுள்ளனர்.

குறித்த கார் தொடர்பில் கிடைத்த தகவலை அடுத்து, அக்காரை வழிமறித்துச் சோதனையிட்டதாகத் தெரிவித்த பொலிஸார், சந்தேக நபர்களிடமிருந்து 5 கத்திகளையும் இரும்புக்கம்பியையும் பொல்லையும் கைப்பற்றியதாகவும் கூறினர்.