கைக்குண்டு மீட்பு

-தீசான் அஹமட்

திருகோணமலை, சேருநுவரப் பொலிஸ் பிரிவுக்குட்பட்ட தீத்தான்தட்டி காட்டுப் பகுதியில் நேற்றிரவு (13) கைக்குண்டொன்று மீட்கப்பட்டதாக பொலிஸார் குறிப்பிட்டனர்.

குறித்த காட்டுப் பகுதியில் கைக்குண்டொன்று கிடப்பதாக பொலிஸாருக்கு கிடைக்கப் பெற்ற இரகசிய தகவலின் அடிப்படையில் இக்கைக்குண்டு மீட்கப்பட்டுள்ளது.

இக்கைக்குண்டைச் செயலிழக்கச் செய்வதற்கான நடவடிக்கை மேற்கொள்ளப்பட்டுள்ளதாகவும் பொலிஸார் கூறினர்.