காட்டு யானைத் தாக்குதலில் 4 வீடுகள் சேதம்

எப்.முபாரக் 

திருகோணமலை, அக்போபுர பொலிஸ் பிரிவுக்குட்பட்ட அக்போபுர கிராமத்துக்குள் புகுந்த காட்டு யானைகள், நான்கு வீடுகளை உடைத்து சேதப்படுத்தியுள்ளதாக பொலிஸார் தெரிவித்தனர்.

இக்காட்டு யானைகளின் அட்டகாசம் நேற்று ஞாயிற்றுக்கிழமை இரவு (23) 11 மணியளவில் இடம்பெற்றுள்ளதாகத் தெரிவித்த பொலிஸார், யானைகளுக்காக இடப்பட்டிருந்த மின்சார வேலிகளையும் உடைத்தெறிந்து விட்டு, யானைகள், ஊருக்குள் புகுந்துள்ளதாகவும் தெரிவித்தனர்.

சேத விவரங்கள் தொடர்பான விசாரணைகளை, அக்போபுர பொலிஸாரும் வன இலாகா அதிகாரிகளும் நேரில் சென்று மேற்கொண்டுள்ளனர்.