சட்டவிரோத மீன்பிடியில் ஈடுபட்ட 18 பேர் கைது

தீசான் அஹமட்

திருகோணமலை,  குச்சவெளி கடற்பரப்பில்  சட்டவிரோதமாக  மீன்பிடியில் ஈடுபட்ட புல்மோட்டை மற்றும் குச்சவெளி  பகுதிகளைச் சேர்ந்த 18 மீனவர்களை திருகோணமலை கடற்படையினர்  ஞாயிற்றுக்கிழமை (3) மாலை கைது செய்து குச்சவெளி பொலிஸில் ஒப்படைத்துள்ளனர்.

இதன்போது 5 மீன்பிடி படகுகளையும் கடற்படையினர் கைப்பற்றியுள்ளனர்.

கரையிலிருந்து 7 கிலோ மீற்றருக்கு உட்பட்ட கடற் பகுதியில் சுருக்கு வலைகள் பயன்படுத்தி மீன் பிடிப்பது தடைசெய்யப்பட்டுள்ள நிலையில், மேற்படி மீனவர்கள் அம்முறையை பயன்படுத்தி மீன்பிடியில் ஈடுபட்டதாக குற்றஞ்சாட்டப்பட்டுள்ளனர்.