சம்பூரில் 10 கசிப்பு உற்பத்தி நிலையங்கள் முற்றுகை

-தீஷான் அஹமட்

சித்திரைப் புத்தாண்டையிட்டு திருகோணமலை, சம்பூர் பிரதேசத்தில் ஞாயிற்றுக்கிழமை (9) மேற்கொள்ளப்பட்ட சுற்றிவளைப்பு நடவடிக்கையின்போது, 10 கசிப்பு உற்பத்தி நிலையங்கள் முற்றுகையிடப்பட்டுள்ளதுடன், 24 மற்றும் 26 வயதுகளையுடைய  2 பேரைக் கைதுசெய்துள்ளதாகவும் பொலிஸார் தெரிவித்தனர்.

மேற்படி  கசிப்பு உற்பத்தி நிலையங்களிலிருந்து கசிப்புக் காய்ச்சுவதற்கு பயன்படுத்தப்படும் 5 இலட்சம் மில்லிலீற்றர் கோடாவையும் 75 ஆயிரம் மில்லிலீற்றர் வடிசாராயத்தையும் கைப்பற்றியுள்ளதாகவும் பொலிஸார் கூறினர்.

இவ்வாறு முற்றுகையிடப்பட்டுள்ள 10 கசிப்பு உற்பத்தி நிலையங்களும் இச்சந்தேக நபர்கள் இருவருக்கும் சொந்தமானது என விசாரணையில் மூலம் தெரியவந்துள்ளதாகவும் பொலிஸார் கூறினர்.